Hálfsannleikurinn um hið samanburðarvinsæla sænska skattkerfi

Hér í Svíaríki er vissulega 30% fjármagnstekjuskattur eins og Þorleifur varaborgarfulltrúi VG bendir á.
Vinstri grænir þreytast ekki á því að réttlæta skattahækkanir sínar á þegna landsins með því að segja íslenska skatta ekki ná upp í hæstu skatta í Svíþjóð og því sé þetta allt í lagi.

Mér þykir þó sem skorti eilítið á þekkingu þeirra á títtnefndu velferðarskattkerfi Svíanna, því aldrei hef ég heyrt þá minnast á það í leiðinni að til þess að innleiða að fullu skattkerfi Svía hérlendis þurfi líka að taka upp 30% vaxtaafslátt af greiddum vöxtum einstaklinga auk þess að afnema verðtryggingu, taka upp ótekjutengdar barnabætur (sem eru um 65 þúsund krónur skattfrjálst á mánuði fyrir fjölskyldu með 3 börn), ókeypis máltíðir í grunnskólum og menntaskólum og margt fleira sem fólk hér í landi fær fyrir skattpeninga sína.

Þeim stjórnmálamönnum sem réttlæta sínar skattahækkanir með vísan í sænska skatta þykir í lagi að taka af almenningi í sama hlutfalli og Svíar gera, en minnast aldrei á að færa almenningi ýmislegt í staðinn eins og Svíar gera.

Leiðinlegt þegar fólk kýs að segja bara hálfan sannleikann um skattkerfi Svíanna. Stjórnmálamenn vita kannski ekki betur. Það er sjálfsögð krafa að samanburður sé gerður á réttlátan hátt og að sagður sé allur sannleikurinn. Ekki bara hálfur.


mbl.is Hækki fjármagnstekjuskatt
Tilkynna um óviðeigandi tengingu við frétt

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband